रंगशालामा देखिएको यो खुसि !भुटानलाई हराउँदै स्वर्ण पदक जितेपछि

रंगशालामा देखिएको यो खुसि !भुटानलाई हराउँदै स्वर्ण पदक जितेपछि

तेह्रौँ दक्षिण एशियाली खेलकुद (साग) अन्तर्गत पुरुष फुटबल खेलमा नेपाली राष्ट्रिय यु–२३ फुटबल टोलीले भुटानलाई हराउँदै स्वर्ण पदक जितेको छ ।त्रिपुरेश्वरस्थित दशरथ रङ्गशालामा आज भएको फाइनल खेलमा नेपालले भुटानलाई २–१ गोलअन्तरले पराजित गदै स्वर्ण पदक जितेको हो । नेपालले सागअन्तर्गत पुरुष फुटबलमा लगातार दोस्रो पटक स्वर्ण जितेको हो । यसअघि सन् २०१६ मा भारतमा भएको सागमा पनि नेपालले स्वर्ण पदक जितेको थियो ।

नेपालको जितमा अभिषेक रिजाल र सुनिल बलले गोल गर्नुभयो । भुटानका लागि भने चेन्चो ग्यालसेनले गोल गर्नुभएको थियो । खेलको १६ औँ मिनेटमा अभिषेकले करिब ६ यार्ड बक्स नजिकबाट गोल गर्दै नेपाललाई पहिलो अग्रता दिलाउनुभएको थियो । उहाँ विकास खवासको लामो थ्रो इनलाई पेनाल्टी क्षेत्रभित्र उत्कृष्ट नियन्त्रण गर्दै गोल गर्न सफल हुनुभएको हो ।त्यस्तै खेलको ३६ औँ मिनेटमा भुटानले बराबरी गोल फर्कायो ।भुटानका ग्याल्सेनले पेनाल्टी क्षेत्रभित्रबाट उत्कृष्ट फिनिस गर्दै खेललाई १–१ गोलको बराबरीमा ल्याउनुभयो । खेलको मध्यान्तरअघि १–१ गोलको बराबरीमा पुगेको नेपालले मध्यान्तरपछि एक गोल थप्दै नेपाललाई स्वर्ण पदक दिलायो ।खेलको ५४ औँ मिनेटमा सुनिलले दायाँ विङ्गबाट आएको क्रसलाई हेडमार्फत गोल गर्दै नेपाललाई स्वर्ण पदक दिलाउनुभयो । सागमा पहिलो पटक फाइनलमा पुगेको भुटानले रजत पदकमा चित्त बुझायो ।१३औँ सागमा नेपालले ५१ स्वर्ण पदक जित्दै प्रतियोगिता सम्पन्न गरको छ ।यस खेलसँगै साग सम्पन्न भएको छ ।

Leave a Reply

Your email address will not be published. Required fields are marked *