पत्रकार रवि लामिछानेका समर्थकलाई करिश्माले भनिन ‍भेडो सोझो हुन्छ, खराब होइन

पत्रकार रवि लामिछानेका समर्थकलाई करिश्माले भनिन ‍भेडो सोझो हुन्छ, खराब होइन

पत्रकार रवि लामिछानेको विषयमा आफ्नो धारणा सार्वजनिक गरेपछि अभिनेत्री करिश्मा मानन्धर लामिछानेका समर्थकको तारो बनेकी छिन् ।पूर्व सहकर्मी शालिकराम पुडासैनी मृत्यु प्रकरणको विषयमा प्रहरीले लामिछानेलाई पक्राउ गरेपछि सामाजिक सञ्जालमा लामिछानेको समर्थनमा आवाज उठेको छ । प्रहरीले अनुसन्धानका लागि प्रक्राउ गरेपछि उनका समर्थकले नाराबाजी गरेका छन् । त्यसपछि करिश्माले रवि लामिछानेको नाम नलिई एक स्टाटस लेखेकी थिइन् ।स्टाटसमार्फत उनले भनेकी छिन्, ‘राज्यले गर्नुपर्ने कामकाज निजी तबरबाट हुनु खतरनाक हुन्छ, नत्र किन चाहियो संसद, संविधान र राज्य संयन्त्र ?

उनले फेसबूकमा ‘भेडाहरुको कोलाहल’ भनेर रवि लामिछानेका समर्थकलाई इंगित गरेपछि समर्थकले उनको विरोध गरेका हुन् ।विवादमा तानिएपछि उनले पुनः अर्को स्टाटस लेख्दै आफूले जनतालाई भेडा नभनेको बताएकी छिन् ।

‘अस्ति लेखेको लेखमा जुन शब्द प्रयोग गरेको थिएँ, त्यसमा जनतालाई भेडा भनेको होइन, भेडो सोझो हुन्छ खराब होइन, त्यो भेडोपनलाई इंकित गरेकी हुँ,’ उनले लेखेकी छिन्, ‘कतिपय अवस्थामा हाम्रो अग्रिम या छिटो प्रतिक्रियाले परिस्थिति असहज बनाउँछ, कतिपय कुरामा राज्यको काम कारबाही असहज हुन्छ, हामी एउटा कानूनी राज्यमा बस्छौँ, कि त यो देशको कानून नमान्न प–यो कि, राज्यलाई सहयोग पु–याउन प–यो ।’उनले यदि कसैले आफूलाई भेडा भनेको भन्ने लागेको भए माफी गरिदिन पनि आग्रह गरेकी छिन् ।

Leave a Reply

Your email address will not be published. Required fields are marked *