गोमेजले ६८ वर्षीय बिल मुर्रेसँग बिहे गर्ने

गोमेजले ६८ वर्षीय बिल मुर्रेसँग बिहे गर्ने

एजेन्सी अमेरिकाकी चर्चित गायिका तथा नायिका सेलेना गोमेजले कान्स फिल्म फेस्टिभलमा उपस्थिति जनाएपछि उनले आफ्नो ब्युटीनेस मार्फत संसारको ध्यान तानिन् । अहिले भने उनी फेरि अर्को एक खुलासाका कारण सबैको चर्चाका विषय बनेकी छिन् ।६८ वर्षीय बिल मुर्रेले एक अन्तर्वार्तामा गोमेजको खुलेर तारिफ गरेका थिए । उनले आफू निकै मन पर्ने र सेलेना दयालु स्वभावको भएको बताएका थिए ।

सेलेनाले तस्वीर शेयरिङ एप इन्स्टाग्राममा कान्स फिल्म फेस्टिभलमा सहभागी भएका तस्वीर शेयर गर्दै एउटा तस्वीरमा क्याप्सन लेखिन् – बाइ द वे, बिल मुर्रे एण्ड आई आर गेटिङ म्यारिड ।उनको यो स्टाटसले मनोरञ्जन जगतको ध्यान खिचेको छ । किनकि सेलेना बल्ल २६ वर्ष पुगिन् भने मुर्रे उमेरका हिसाबले झण्डै दोब्बर जेठा छन् ।उनले बिहीवार लेखेको यो स्टाटसले रातारात चर्चा पायो । उनको यो निर्णयमा फ्यानका विभिन्न प्रतिक्रिया आएका छन् ।यता अर्को समाचार एजेन्सीले भने मुर्रेसँग बिहे गर्ने भनेर सेलेनाले मजाक गरेको बताएको छ ।

कान्सको रेड कार्पेटमा यी दुई कानेखुशी गरेपछि प्रेम सम्बन्धका बारेमा मिडियामा समाचार बनेका थिए । यसअघि भने सेलेनाले गायक जस्टिन बिबरसँग लामो समय सम्बन्ध जोडेकी थिइन् । पछिल्लो समयमा आएर यी दुई बीचको सम्बन्ध टुटेको थियो । त्यसपछि सेलेना लामो समय प्रेमबाट टाढा रहे पनि उनको नाम अन्य कलाकारसँग पनि जोडिएर आएको थियो ।

Leave a Reply

Your email address will not be published. Required fields are marked *