गैरआवासीय नेपाली संघको दोश्रो मोबाइल ब्लड बस अब सुदूरपश्चिम प्रदेशमा पनि सन्चालन हुने

गैरआवासीय नेपाली संघको दोश्रो  मोबाइल ब्लड बस अब सुदूरपश्चिम प्रदेशमा पनि सन्चालन हुने

काठमाडौं ।गैरआवासीय नेपाली संघको मानव कल्याणकारी योजना अन्तर्गत दोश्रो मोबाइल ब्लड बैंक परियोजनाका लागि नयाँबर्ष २०२१को प्रारम्भ सङ्गै आर्थिक संकलन अभियान शुरुवात गरेको छ ।

सुबिधा सम्पन्न उपकरण सहितको यो बसबाट लामो दूरीका रक्त संकलन स्थलमा गएर बसभित्रै रक्तदान गर्ने, संचय गर्ने र सुरक्षित रुपमा ब्लड बैंकसम्म ल्याउन सक्ने सुबिधा रहेको छ।

उक्त बसका लागि आर्थिक संकलन अभियान नयाँबर्ष २०२१ को प्रारम्भमा शुभकामना सहित शुरु गरिएको छ ।

यो अभियान विश्वका विभिन्न देशका एनआरएनए राष्ट्रिय समितिहरु, सुदूरपश्चिमेली नेपाली समाजहरु,एनआरएनए अभियन्ताहरु, प्रवासमा रहेका सुदुरपश्चिमेली नेपालीहरु, नेपाल र प्रवासमा रहेका सामाजिक सस्थाहरु, समाजसेवीहरु तथा ह्युमानिटी फाउन्डेसन धनगढी, टिकापुर सरोकार समूह, धनगढी उपमहानगरपालिका र नेपाल रेडक्रस सोसाइटी कैलालीको समेत सहभागिता रहनेछ ।

चार महिनाभित्र यो बस सुदुरपश्चिम प्रदेशभर सेवा पुर्याउने उद्देश्यले नेपाल रेडक्रस सोसाइटी कैलालीलाई हस्तान्तरण गर्ने लक्ष्य लिइएको छ ।

मोबाइल बसका लागि हालसम्म टिकापुरबाट डा. खकिन्द्र भण्डारीले १० हजार, अमेरिकाबाट रत्तदाता अर्जुन प्रसाद मैनालीले २५ हजार, ह्युमानिटी फाउन्डेशन धनगढीबाट १ लाख ११ हजार १११ रुपैयाँ, अमेरिकाबाट गौरी जोशीबाट १ लाख, अफ्रिकाबाट रोशन थापाले १ लाख, एनआरएनए बिटिएस समितीबाट १ लाख, अमेरिकाको न्युर्योकबाट जंङ्ग बमबाट ५० हजार, टिकापुर हाल अमेरिकाबाटै हेम बहादुर ठकुल्लाले ११ हजार १११ गरी हालसम्म ५ लाख ७ हजार २२२ रुपैयाँ प्रतिबद्धता आएको बताइएको छ ।

यसअघि यस्तै बस एनआरएनएले चितवन रेडक्रसलाई उपलब्ध गराई सकेको छ ।

Leave a Reply

Your email address will not be published. Required fields are marked *