मनिषाको अर्को ट्विट,‘टनकपुर सन्धि याद आउँछ’

मनिषाको अर्को ट्विट,‘टनकपुर सन्धि याद आउँछ’

काठमाडौँ । चर्चित तथा लोकप्रिय अभिनेत्री मनिषा कोइरालाले एमसीसी सम्झौतालाई ध्यानपूर्वक पढ्न आग्रह गरेकी छन् ।

अमेरिकी सहयोगको मिलेनियम च्यालेन्ज कर्पोरेसन (एमसीसी) सम्झौता संसदमा विचाराधीन रहेको बेला पक्षरविपक्षमा बहस भइरहेको बेला अभिनेत्री कोइरालाले एमसिसी सम्झौतालाई ध्यानपूर्वक पढ्न सुझाव दिएकी हुन् ।

साझा पार्टीका प्रवक्ता सूर्यराज आचार्यको एमसीसी सम्बन्धी ट्विटलाई रि–ट्विट गर्दै मनिषाले लेखेकी छन्, ‘हामीले ध्यानपूर्वक पढ्नुपर्दछ । विगतमा हामीले गल्ती गरेका छौं । विश्वास छ, हामीले विगतका गल्तीहरूबाट पाठ सिक्छौँ । मलाई टनकपुर सन्धिको समयको सम्झना आउँछ ।’

यसअघि अभिनेत्री कोइरालाले परराष्ट्रमन्त्री प्रदीप ज्ञवालीले लिम्पियाधुरा सहितको नेपाली नक्सा पारित भएको विषयमा गरेको ट्विटलाई समर्थन गर्दै रि–ट्विट गर्दा भारतीय मिडियाले आलोचना गरेका थिए तर मनिषाको राष्ट्रवादी अभिव्यक्तिको नेपालमा भने प्रशंसा भएको थियो ।

Leave a Reply

Your email address will not be published. Required fields are marked *