मोदीको मुड ठीक छैनः ट्रम्प

मोदीको मुड ठीक छैनः ट्रम्प

काठमाडौँ । अमेरिकी राष्ट्रपति डोनल्ड ट्रम्पले छिमेकीहरूसँगको बढ्दो विवादका कारण भारतीय प्रधानमन्त्री नरेन्द्र मोदीको मूड ठीक नभएको बताएका छन् ।

ह्वाइटहाउसमा भएको पत्रकार सम्मेलनमा बोल्दै ट्रम्पले चीन र भारतबीचको जारी सीमा विवादका कारण भारतका प्रधानमन्त्री मोदीको मूड ठीक नरहेको टिप्पणी गरेका हुन् ।

केही दिनअघि देखि भारतीय र चिनियाँ सीमामा सैनिकहरू बीच भइरहेको तनातानीका बीच ट्रम्पले चीनसँगको सीमा विवादको विषयलाई लिएर मोदीको मूड ठीक नरहेको बताएका हुन् ।

सम्मेलनमा बोल्दै ट्रम्पले आफू चीन र भारतबीच देखिएको सीमा विवाद समाधानका लागि मध्यस्थता गर्न तयार रहेको समेत दोहोर्याए । उनले भने, ‘दुवै देशलाई केही मद्दत चाहिन्छ भने म त्यसका लागि तयार छु ।’

चीनसँगको सीमा विवादबारे भारतीय प्रधानमन्त्रीसँग आफूले कुरा गरेको जानकारी दिँदै ट्रम्पले भने, ‘यो विषयमा भारत खुसी छैन र शायद चीन पनि खुसी छैन ।’

एक भारतीय पत्रकारको प्रश्नको जवाफमा ट्रम्पले भने, ‘मैले प्रधानमन्त्री मोदीसँग कुरा गरेको थिए । चीनसँग जे भइरहेको छ त्यसका लागि उहाँको मूड ठीक छैन ।’

Leave a Reply

Your email address will not be published. Required fields are marked *