जनकपुरमा अस्पतालको आइसोलेसन कक्षवाट एक संक्रमित भागे! खोजि तिब्र

जनकपुरमा अस्पतालको आइसोलेसन कक्षवाट एक संक्रमित भागे! खोजि तिब्र

जनकपुर, ११ जेठ । कोरोना विशेष अस्पतालको आइसोलेसन कक्षवाट एक कोरोना संक्रमित भागेका छन् । प्रहरीले उनको खोजि सुरु गरेको छ । जनकपुरस्थित प्रादेशिक कोभिड विशेष अस्पतालको आइसोलेसनमा उपचाररत एक संक्रमित भागेको प्रहरीले जनाएको छ । उनको मानसिक सन्तुलन ठिक नभएको जनाएको छ । उनी शनिवार राति नै भागेको हुन सक्ने भन्दै प्रहरीले खोजि तिब्र पारेको छ ।

सर्लाही धनकौलका ४५ वर्षीय पुरुष अस्पतालको आइसोलेसन कक्षवाट भागेको धनुषाका प्रहरी नायव उपरीक्षक रामेश्वर कार्कीले पुष्टि गरेका छन् । उनले ति ब्यक्ति कतै लुकेको हुनसक्ने अनुमान गरेर सोही अनुसार खोजि जारी राखिएको बताएका छन् । अस्पतालको चारै तिर ताल्चा लागेका कारण उनी भागेर कतै टाढा भने नगएको हुनसक्ने अस्पतालका निमित मेडिकल सुपरिटेन्डेन्ट डा। जामुन सिंहको अनुमान छ । यस अघि पनि उनी यसैगरी आइसोलेसन कषवाट भागेका थिए । केहीवेरमै खोजेर उनलाई फेला पारिएको थियो ।

प्रादेशिक अस्पतालकै अधीनमा रहेको जनकपुर नर्सिङ कलेजको होस्टेलमा ४२ वेडको कोरोना विशेष अस्पताल निर्माण गरिएको छ। सो अस्पतालमा धनुषा, महोत्तरी र सर्लाहीका कोरोना संक्रमितहरुको उपचार भइरहेको छ।

Leave a Reply

Your email address will not be published. Required fields are marked *