काठमाडौं । प्रमोद खरेल सांगीतिक क्षेत्रको चर्चित र लोकप्रिय नाम हो । उनका हरेक गीत दर्शक र स्रोताले मन पराउँदै आएका छन् । शालिन स्वभावका गायक प्रमोदको हरेक गीतले दर्शकलाई सजिलै छुने र मन जित्ने गरेको छ । यसैक्रममा दुई हप्ता अघि सार्वजनिक गरिएको उनको अर्काे गीतले दर्शक र स्रोताको मन जितेको छ । उनको ‘यो कुरा गोप्य’ गीतले दुई हप्तामै १० लाख भन्दा बढी युट्युबमा भ्युज पाएको छ । २५ हजार लाइक पाउँदा अधिकांश दर्शक र स्रोताको सकारात्मक प्रतिक्रिया पाएका छन्, गायक प्रमोदले ।

एक नारायण भण्डारीको शब्द सृजना रहेको ‘यो कुरा गोप्य’ प्रमोदको एकल स्वर रहेको छ । जसमा संगीत भरेका आशिष अविरलले । शान थापाले निर्देशन गरेको सो गीतको भिडियोमा नायक नाजीर हुसेन, एलिसा राई र प्रमोद खरेलको अभिनय रहेको छ ।