कमल संघर्षका दुई गजल

कमल संघर्षका दुई  गजल

                   – कमल संघर्ष
गजल १

अवधि राखिदियो, न सीमा राखिदियो
राख्नेले दुःख यो जिन्दगीमा राखिदियो

डाक्टर जतिलाई राजधानीमा सारेर
बिरामी जतिलाई कर्णालीमा राखिदियो

यो समयले आफू निर्णायक बनेर
म र बालाई प्रतिस्पर्धीमा राखिदियो

धनदौलत कति प्रिय भयो कसैलाई
आफ्नै छोरीलाई प्रदर्शनीमा राखिदियो

गजल २

तिम्रा चाेटहरुमा म छियाछिया भैदिऊँला
साेमालिया भैदिऊँला सिरिया भैदिऊँला

म दुनियाँ भएर पनि एक्लाे भएकाे छु
तिमी एक्लाे छौ तिम्रो दुनियाँ भैदिऊँला

अभावमा कुटेर चामल बनाउन सकिन्छ
संकलन गरेर राख्छौ भने बियाँ भैदिऊँला

प्यारजस्ताे पनि भयाे हतियारजस्ताे पनि
भन्यौ फलामकै अगाडि खिया भैदिऊँला

गुलाफ पाे सुरक्षाको नाममा हमला गर्छ
कमल हुँ फूलैफूलकाे तकिया भैदिऊँला

Leave a Reply

Your email address will not be published. Required fields are marked *