व्यवसायीको पक्षमा साझा काम गर्नको लागि मेरो उम्मेदवारी अध्यक्षमा-बासु नेपाल

व्यवसायीको पक्षमा साझा काम गर्नको लागि मेरो उम्मेदवारी अध्यक्षमा-बासु नेपाल

काठमाडौं,चैत्र। स्वतन्त्र शैक्षिक परामर्श संघ नेपाल (फेकन) को चैत २९ गते हुने नयाँ अधिवेशनको लागि वासु नेपालले अध्यक्षमा दावी गरेका छन् ।नेपालले आफ्नो साझा नेतृत्वले सबै व्यवसायीको हितमा काम गर्ने दावी गरेका छन् । फेकनको स्थापना गर्न महत्वपूर्ण भूमिका खेलेका उनी आफूलाई अध्यक्षको स्वभाविक उम्मदेवार भएको बताउँछन् । संघ सदस्य, वरिष्ठ उपाध्यक्ष भइसकेका उनले शैक्षिक परामर्शको क्षेत्रमा देखिएका आन्तरिक र वाह्य समस्याको हल गर्ने योजना पनि अघि सारेका छन् । आगामी २२ गते फेकनको साधारणसभा हुँदैछ । उनले सबै व्यवसायीको पक्षमा साझा काम गर्ने प्रतिबद्धता जनाएका छन । झण्डै डेढ दशक अघिदेखि सक्रिय उनी पुतलीसडकमा रहेको प्रोफेशनल भिजा एण्ड एजुकेशन सर्भिसका प्रबन्ध निर्देशक हुन।

२ सय सदस्य रहेको शैक्षिक परामर्शदाताहरुको साझा संस्था फेकनले आगामी २ वर्षको लागि नयाँ नेतृत्व चयन गर्दैछ । फेकन २०६५ सालमा स्थापना भएको हो । अध्यक्ष, ३ उपाध्यक्ष, महासचिव, २ जना सचिव, कोषाध्यक्ष र ६ सदस्यीय निर्वाचनबाट आउने छन् । उपाध्यक्ष, सहकोषाध्यक्ष र तीन सदस्य मनोनीत गर्ने प्रावधान रहेको छ । अध्यक्षको उम्मेदवार दिने तयारीमा रहेका नेपालले आफ्नो उम्मेदवारीबारे पनि मतदाताहरुलाई जानकारी दिइसकेका छन् ।

नेपालले शैक्षिक क्षेत्रमा देखिएका समस्याको अन्त्य गर्ने, सरकार र शैक्षिक परामर्शदातावीच छलफल गरी कुनै पनि विषयको टुंगो लगाउने र शिक्षा मन्त्रालयसँग समन्वय गर्ने जनाएका छन् ।शैक्षिक परामर्शदाताको भावनाविपरीत सरकारले बनाएका नीति नियममा छलफल गरी व्यवसायीमैत्री बनाउने उनको लक्ष्य रहेको छ । व्यवसायमा देखिएका नकारात्मक भावनालाई चिर्दै अभिभावक, विद्यार्थी र समाजमाझ व्यवसायीलाई चिनाउने योजना बनाएका छन् ।

Leave a Reply

Your email address will not be published. Required fields are marked *